Instalazio
elektrikoa

Hemen aurkituko duzu instalazio elektrikoekin zerikusia duen guztia, izan ditzakezun zalantza guztiak argitzeko.

Zer da Potentzia Kontrolatzeko Etengailua eta zertarako balio du?

Potentzia Kontrolatzeko Etengailua edo ICPa kontrol-elementu bat da, instalazio elektrikoa automatikoki deskonektatzen duena aldi berean hainbat gailu martxan daudenean eta kontratatua duzun potentzia gainditzen dutenean.

Indarrean dagoen araudiaren arabera (1454/2005 Errege Dekretuaren 10. artikulua), derrigorrezkoa da etxebizitzetan potentzia kontrolatzeko elementu hori izatea. Halakorik ez baduzu, zigor batzuk aplikatuko zaizkizu elektrizitate-fakturan (ITC/1559/2010 Aginduaren bigarren xedapen gehigarria).

Indarrean dagoen araudiaren arabera (1454/2005 Errege Dekretuaren 10. artikulua), derrigorrezkoa da etxebizitzetan potentzia kontrolatzeko elementu hori izatea. Halakorik ez baduzu, zigor batzuk aplikatuko zaizkizu elektrizitate-fakturan (ITC/1559/2010 Aginduaren bigarren xedapen gehigarria).

Non dago potentzia kontrolatzeko etengailua?

Kontagailu adimendunak instalatzean, potentzia kontrolatzeko gailuak kendu egin dira etxebizitzetako koadro elektrikoetatik eta kontagailuetan bertan daude orain. Etengailuak etxe osoko elektrizitatea mozten badu, prozedura jakin bati jarraitu behar zaio elektrizitatea itzul dadin. Hemen dituzu elektrizitatea berrezartzeko jarraibideak.

Zer egin dezaket etxean itzalaldi bat izan badut?

Etxe osoko elektrizitatea joan bada, baliteke kontratatutako gehienezko potentzia gainditu izana eta, ondorioz, etxebizitza saretik deskonektatu izana. Elektrizitatea berriro martxan jartzeko urrats hauek jarraitu behar dituzu:

1. Ireki etxebizitzako koadro elektrikoa.

2. Jaitsi koadro orokorreko etengailu guztiak.

3. Itxaron 5-10 segundu.

4. Igo etengailuak ezkerrean dagoenetik hasita.

Etengailuren bat igotzean ez bada berez igota geratzen, jarri harremanetan elektrikari batekin.
Etengailuren bat igotzean ezkerreko beste etengailuren bat jaisten bada, jarri harremanetan elektrikari batekin.
Larrialdi Elektrikoen zerbitzua edo Etxebizitzarako Elektrizitate Babesa kontratatua baduzu IBERDROLArekin, deitu 900 22 45 22 telefonora

Zalantzarik al duzu koadro elektrikoari buruz?

Ohiko koadro elektriko baten zatiei buruzko zalantzak argituzko dizkizugu hemen. Etxebizitzetako koadro elektrikoek hainbat etengailu dituzte:

Zer da etengailu orokor automatikoa (IGA)?

Etxebizitzako instalazio osoa gainkargen eta zirkuitulaburren aurka babesteaz arduratzen da. Koadroaren ezkerreko aldean dago.

Zer da etengailu diferentziala (ID)?

Etengailu orokorraren eskuinean egon ohi da. Instalazio osoko babes elementu garrantzitsuena da. Korronte elektrikoa mozten du instalazioan edo konektatutako gailuren batean deribazio edo akatsen bat dagoenean eta saihesten du elektrizitatea pertsonetan zehar pasatzea.
Ondo dabilela ziurtatzeko botoi bat du.

Zer dira etengailu automatiko txikiak (PIAk)?

Barneko zirkuituetako zirkuitulaburrek eta gainkargek eragindako arazoetatik babesten dute. Hainbat zirkuitu independente izan ohi dira, bakoitza bere etengailuarekin. Normalean, etxebizitzek etengailu bana izaten dute zirkuitu hauetarako: sukaldea, labea, garbigailua, ontzi-garbigailua, hozkailua, argiteria, entxufeak.
Etxebizitza zaharretako koadro elektrikoetan mota honetako etengailu gutxi egon ohi da.

Zer da gaintentsioen aurkako etengailua (ICS)?

Koadro modernoenek gaintentsioen aurkako etengailu bat (ICS) izaten dute konektatutako gailuak gaintentsioetatik babesteko (ekaitzak, adibidez).

Bezeroek eta enpresa hornitzaileek eskubidea dute instalatuta dituzten neurketa- eta kontrol-ekipoen egiaztapena noiznahi eta dagokion erakundeari eskatzeko. Egiaztapen horren kostuak eta likidazioa erakundeak zehazten ditu.

Bezeroak eskatzen badu egiaztapena, baina neurketa- eta kontrol-ekipoaren funtzionamendua zuzena bada, gastuak berak ordaindu beharko ditu. Gainerako kasuetan, enpresaren kontura izanen dira.

Maximetroak bezero batek eskatutako potentzia maximoa erregistratzen du 15 minutuko epean. Horrek fakturazio-aldiaren potentzia-terminoa ezartzeko balio du.

Actualmente, los maxímetros tradicionales de agujas están siendo sustituidos por equipos integrales. Con estos equipos integrados, ya no es necesario tener un contador para cada tipo de consumo y para registrar la potencia, dado que, como su nombre indica, integran varios contadores en uno.

Fakturazioa maximetro bidez

Fakturazioa bi modutan kalkula daiteke:

  • Maximetroak adierazitako potentzia kontratatutako potentziaren % 105 baino txikiagoa bada, potentzia horren % 100 fakturatuko da.
  • Maximetroak adierazitako potentzia kontratatutako potentziaren % 105 baino handiagoa bada, maximetroak adierazitako potentzia gehi adierazitako potentziaren eta kontratatutako potentziaren % 105en arteko diferentziaren bikoitza fakturatuko da.

Fakturazioa maximetro bidez

Fakturazioa bi modutan kalkula daiteke:

  • Maximetroak adierazitako potentzia kontratatutako potentziaren % 105 baino txikiagoa bada, potentzia horren % 100 fakturatuko da.
  • Maximetroak adierazitako potentzia kontratatutako potentziaren % 105 baino handiagoa bada, maximetroak adierazitako potentzia gehi adierazitako potentziaren eta kontratatutako potentziaren % 105en arteko diferentziaren bikoitza fakturatuko da.

Enpresa banatzailearen jabetzako banaketa-sarea eta kontsumitzailearen jabetzako energia-puntua lotzen dituen instalazioaren zatia da. Behe tentsiorako (BT) eta erdi-tentsiorako (MT).

Eraikuntzari dagokionez, lurpekoak edo airekoak izan daitezke, banaketa motaren arabera. Hiriguneetan, adibidez, gero eta ohikoagoa da lurpekoak izatea.

CIE Instalazio Elektrikoaren Ziurtagiria edo Buletin Elektrikoa da, hau da, zure instalazioaren ezaugarri nagusiak azaltzen dituen dokumentu ofiziala, hala nola potentzia instalatua edo instalazioak eman dezakeen potentzia maximoa, zeinaren gainetik ezin izango duzun kontratatu. Instalazio berri bat egiten duzunean edo lehendik dagoena hobetzen edo berritzen duzunean bakarrik beharko duzu.

Enpresa instalatzaile batek egin behar du, eta instalazioa dagoen autonomia-erkidegoko organo eskudunean aurkeztu beharko da, dagokion erregistroan erregistratzeko. Berariaz adierazi behar du instalazioa egitean abuztuaren 2ko 842/2002 Errege Dekretuak onartutako Erregelamendu elektroteknikoko agindua jarraitu dela eta, hala badagokio, konpainia elektrikoak onartutako zehaztapenak jarraitu direla, bai eta Diseinu Teknikoko Proiektu edo Memoria ere.

Enpresa instalatzaile batek egin behar du, eta instalazioa dagoen autonomia-erkidegoko organo eskudunean aurkeztu beharko da, dagokion erregistroan erregistratzeko. Berariaz adierazi behar du instalazioa egitean abuztuaren 2ko 842/2002 Errege Dekretuak onartutako Erregelamendu elektroteknikoko agindua jarraitu dela eta, hala badagokio, konpainia elektrikoak onartutako zehaztapenak jarraitu direla, bai eta Diseinu Teknikoko Proiektu edo Memoria ere.

Autonomia Erkidegoko organo eskudunak CIEren 5 kopiak kudeatu beharko ditu; 4 kopia enpresa instalatzaileari itzuli beharko dizkio, bi beretzat eta beste biak jabetzarentzat, honek, aldi berean, kopia bat gorde eta bestea konpainia elektrikoari emateko. Baldintza hori bete ezean, enpresak ezin izango dio instalazioari energiarik eman.

Hornidura izan arren, gomendagarri litzateke ziurtagiriaren ale bat banatzaileari ematea, erregistra dezan. Energia elektrikoaren hornidurarako sarerako konexioa eskatu zeneko instalazio-ziurtagiri guztien erregistroa du banatzaileak, eta eskatu ahal izango du hornidura-baldintzetan aldaketa adierazgarria gertatzen denean: instalazio-motaren aldaketa edo potentzia handitzea, instalazioa handitzeagatik edo instalazio berria egiteagatik.

Enpresa instalatzaile elektriko batekin harremanetan jar zaitzakegu Mapfre MULTISERVICIOS-en bitartez, konponketetan eta berrikuntzetan liderra baita. Horretarako, 902 136 532 telefono-zenbakira deitu besterik ez duzu egin behar.

Segurtasun-aholkuak

Aholku hauei esker, zure instalazio elektrikoaren segurtasuna mantentzen lagundu nahi dizugu.
Jarraitu itzazu eta ez duzu arazorik izango.

Haurrekin bizi bazara, jarraitu aholku hauei

Ez utzi gailu elektrikorik haurren eskura.

Erabiltzen ari ez zaren entxufeak babesleekin estali.

Ez eduki aparatu elektrikorik, kable askerik edo entxuferik haurren gelan.

Arreta berezia jarri erradiadoreekin.

Bainugelan eta sukaldean arreta berezia izan:

Bainugelek eta sukaldeek arrisku elektriko handiagoa dute, toki hezeak baitira. Kontu handiz ibili egonleku horietan.

Ez erabili etxetresna elektrikoak bainuontzitik eta dutxatik gertu.

Inoiz ez erabili tresna elektriko bat esku bustiekin.

Ez erabili etxetresna elektrikorik oinutsik bazaude.

Ez erabili metalezko objektuak txigorgailuan utzitako topa ateratzeko.

Ez erabili etxetresnak sukaldean txorrotetatik gertu edo leku hezeetan.

Zure etxetresna elektrikoak eta segurtasuna zaintzeko

Etxetik atera aurretik itzali berotzeko edo janaria prestatzeko erabiltzen dituzun etxetresna elektriko guztiak.

Etxetresna elektriko bat garbitu aurretik, deskonektatu.

Gailu baten entxufea ateratzeko, ez egin tira kabletik, larako isolatutik baizik.

Ez sartu metalezko objekturik erabiltzen ari zaren etxetresna elektrikoetan.

Larrialdi-egoera baten aurrean:

Ziurtatu istripua izan duena ez dagoela inongo eroale elektrikorekin kontaktuan.

Kontaktuan badago, deskonektatu elikadura-etengailua eta, beharrezkoa bada, etengailu orokorra ere bai. Ez saiatu bereizten zuzenean hartuz edo elementu metalikoez baliatuta.

Konorterik gabe badago, saiatu suspertzen, teknikak ezagutzen badituzu, edo deitu berehala 112 zenbakira.

Honako hauek ere zure interesekoak izan daitezke...