Ordainketak Babesteko Plus

• ASEGURATZAILEEI BURUZKO INFORMAZIOA

  Produktu aseguratzaile hau METLIFE EUROPE d.a.c., Espainiako Sukurtsalak eta METLIFE EUROPE INSURANCE d.a.c., Espainiako Sukurtsalak harpidetzen dute; hau da bien helbidea: Avenida de los Toreros 3, Madril (PK: 28028). Bi erakunde horiei METLIFE esango zaie, elkarrekin.

  METLIFE EUROPE d.a.c., Espainiako Sukurtsala (aurrerantzean METLIFE EUROPE), IFZ hau duena: W-0072536-F; Aseguruen Zuzendaritza Nagusian E-0208 administrazio-klabeaz izena emana.

  METLIFE EUROPEk estaldura hauek harpidetzen ditu: heriotza, erabateko ezintasun iraunkorra, aldi baterako ezintasuna eta ospitaleratzea.

  METLIFE EUROPE Irlandan legez eratutako eta ezarritako sozietatea da, helbide soziala "20 On Hatch", Lower Hatch Street, Dublin 2 (Irlanda) duena, Irlandako Merkataritza Erregistroan 415123 zenbakiaz izena emana eta bere nazionalitateko IE-6435123T identifikazio fiskaleko zenbakiduna.

  METLIFE EUROPE INSURANCE d.a.c., Espainiako Sukurtsala (aurrerantzean METLIFE EUROPE INSURANCE), IFZ hau duena: W-0072537-D; Aseguruen Zuzendaritza Nagusian E-0209 administrazio-klabeaz izena emana.

  METLIFE EUROPE INSURANCEk langabezia-estaldura harpidetzen du.

  METLIFE EUROPE INSURANCE Irlandan legez eratutako eta ezarritako sozietatea da, helbide soziala "20 On Hatch", Lower Hatch Street, Dublin 2 (Irlanda) duena, Irlandako Merkataritza Erregistroan 472359 zenbakiaz izena emana eta bere nazionalitateko IE-9703775K identifikazio fiskaleko zenbakiduna.

  METLIFE EUROPE eta METLIFE EUROPE INSURANCEen kontrola Irlandako Banku Zentralari dagokio (Central Bank of Ireland, helbidea: North Wall Quay, Spencer Dock, PO Box 11517, Dublin 1 -Irlanda-).

• BITARTEKARIARI BURUZKO INFORMAZIOA

  METLIFE-en agente esklusibo gisa Iberdrola Servicios Energéticos SAUk dihardu (aurrerantzean, BITARTEKARIA; IFK: A-85957520; helbidea: Tomás Redondo 1, 28033 Madril). Aseguru eta Pentsio Funtsen Zuzendaritza Nagusiko (DGSFP) erregistroetan inskribatuta ageri da, E0208A85957520 inskripzio-klabearekin. Iberdrola Servicios Energéticos SAUk ez dauka partizipazio zuzen edo zeharkakorik eta ez dago zuzenean edo zeharka partizipatuta, inolako portzentajetan, entitate aseguratzaileren baten aldetik.

• ASEGURU-KONTRATUARI APLIKAGARRI ZAION LEGERIA

  Poliza hau Aseguru-kontratuei buruzko urriaren 8ko 50/1980 Legeak, Erakunde aseguratzaile eta berraseguratzaileen ordenazio, ikuskapen eta kaudimenari buruzko uztailaren 14ko 20/2015 Legeak, Aseguru- eta berraseguru-entitateen antolamendu, gainbegiraketa eta kaudimenaren 1060/2015 Errege Dekretuak eta kontratuaren Baldintza Orokorretan, Berezietan eta Partikularretan hitzartutakoak eta etorkizunean indarrean dauden arauak ordeztu edo aldatzen dituzten legeek arautuko dute.

• ERREKLAMAZIO-INSTANTZIAK

  Indarrean den araudiari jarraikiz, aseguru-kontratuari edo artekariak egindako bitartekaritzari buruzko kexak eta erreklamazioak honako bideak erabiliz aurkeztu ahal izango dira:

  1. Bezeroaren Arreta Sailari zuzenduriko idazkiaren bitartez; Araudia interesdunaren eskura dago Entitate Aseguratzailearen bulegoan edo www.metlife.es webgunean.
  2. Halaber, gerta litezkeen eztabaidak ebazteko Aseguruen eta Pentsio Funtsen Zuzendaritza Nagusiko erreklamazioen administrazio-prozedurara jo daiteke, horretarako legitimatuta baitago aseguru-hartzailea, aseguruduna, onuraduna, hirugarren kaltetua edo horietako edozeinen eskubideduna.
  3. Izaera orokorrarekin, eskumeneko epaileek eta auzitegiek ebatziko dituzte auziak.



• DATU PERTSONALEN BABESA

  Nor arduratzen da zure datuak tratatzeaz?

  METLIFE EUROPE eta METLIFE EUROPE INSURANCE, aseguru-enpresak diren heinean, eta IBERDROLA CLIENTES SAU, harpidetza kolektiboko aseguruaren sustatzailea den heinean, arduratuko dira ordainketak babesteko aseguruari buruzko datuak tratatzeaz.

  Datuen babeserako gure ordezkariarekin harremanetan jar zaitezke, bai METLIFEren egoitzara idatzita eta erreferentzian "Datuen babeserako ordezkaria" adierazita, bai datospersonales@metlife.es helbidera idatzita.

  Zertarako erabiliko ditugu zure datu pertsonalak?

  Tratamendua automatizatua izango da, eta xede hauetarako erabiliko dira datuak:

  1. Eskaeraren arriskua baloratzeko.
  2. Kontratu-harremana bete eta garatzeko.
  3. Iruzurra prebenitu, hauteman edo esesteko ekintzak gauzatzeko.
  4. Datuaren titularraren eskubideak betetzeko.
  
  

  Zein da tratamendurako legitimazioa?

  Kontratua exekutatzea.

  Nork jasoko ditu datuak?

  Arduradunek tratatuko dituzte datuak, zurekin kontratatutako prestazioak irauten duen bitartean.

  Baliteke zure datuak ematea aseguruaren bitartekariari, Iberdrola Servicios Energéticos SAUri alegia, gorago adierazitako xedeetarako. Horrez gain, aseguratutako sektorearekin lankidetzan jarduten duten erakundeei ere laga dakizkieke, estatistikak egiteko eta iruzurrari aurre egiteko, baita beste pertsona eta erakunde batzuei ere, arriskuak aztertzeko, istripuak ikertzeko, ko-aseguru kontuetarako edo berriz aseguratzeko.

  Noiz arte gordeko dira datuak?

  Kontratatutako prestazioak irauten duen bitartean gordeko ditugu zure datu pertsonalak, dagozkien blokeo-betebeharrak eragotzi gabe, indarrean dagoen araudiarekin bat; epaile eta auzitegien esku baino ez dira egongo. Datuen blokeo-epea igaro ondoren, datu pertsonalak ezabatu egingo ditugu.

  Zein eskubide dituzu?

  METLIFEra idatz dezakezu (Avda. de los Toreros, 3 28008 - Madril), baita (datospersonales@metlife.es) helbidera ere, erreferentzian "Datuen babesa" adierazita eta nortasun-agiriaren kopia batekin, edozein unetan eta guztiz doan, honako eskubide hauek erabiltzeko:

  1. Datu pertsonalak tratatzeko eman duzun baimena baliogabetzea. Horri dagokionez, adierazi beharra dago datu pertsonalak tratatzeko emandako baimena baliogabetuz gero, alderdien arteko kontratu-harremana eten egingo dela.
  2. Emandako gainerako baimenak baliogabetzea.
  3. Datu pertsonalak tratatu diren edo ez jakitea.
  4. Datu pertsonalak atzitzea.
  5. Zehatzak ez diren edo osatu gabe dauden datuak zuzentzea.
  6. Datuak ezabatzeko eskatzea, besteak beste datuak bildu ziren xederako beharrezkoak ez direnean.
  7. Datuen tratamendua mugatzea datuak babesteari buruzko araudian aurreikusten diren baldintzetakoren bat betetzen denean.
  8. Zenbait egoeratan, datuen tratamenduari dagozkion arrazoiak direla eta, aukera izango duzu datuen tratamenduaren aurka egiteko.
  9. Datuen eramangarritasuna eskatzea.
  10. Datuen Babeserako Espainiako Agentziaren aurrean (Calle de Jorge Juan, 6, 28001 Madril helbidean) erreklamazio bat jartzea, uste baduzu METLIFE enpresak urratu egin dituela datuen babesari buruzko legediak aitortzen dizkizun eskubideak.
  
  

  Hori eragotzi gabe, interesduna edozein unetan harremanetan jarri ahalko da METLIFE enpresako datuen babeserako ordezkariarekin, datospersonales@metlife.eshelbidean.

  Informazio gehiago nahi izanez gero, ikusi gure Pribatutasun Politika www.metlife.es helbidean, edo eskatu 900 201 040 telefonoan, 9:00etatik 21:00etara, astelehenetik ostiralera, eta zuk adierazitako helbidera bidaliko dizugu.

• ATZERA EGITEKO ESKUBIDEA

  Asegurudunak Aseguru Kontratu honetan atzera egiteko eskubidea gauzatu ahal izango du, 30 egun naturaleko epean, kontratu-dokumentazio hau jasotzen den unetik zenbatzen hasita. Atzera egiteko 900 225 235 telefono-zenbakira deitu beharko du.

IBERDROLA Ordainketak Babesteko Aseguruaren Baldintzen Laburpen honen helburua Iberdrolaren Hornidura Kontratuaren bezero titularra (aurrerantzean "Hartzailea" edo "Aseguruduna") IBERDROLA CLIENTES SAU (aurrerantzean "IBERDROLA") eta Erakunde Aseguratzaileen (aurrerantzean "METLIFE") artean sustatutako Poliza Kolektiboari atxikitzea da, ondoren zehaztuko diren baldintzak eta irismena duten estaldurez gozatu ahal izateko. Aipatutako polizak Aseguruaren Sustatzaileak eta METLIFE-k dauzkate, asegurudunen eskura. Poliza horiek IBERDROLAren webgunean (www.iberdrola.es) kontsulta daitezke, bide honi jarraituta: Produktuak eta Zerbitzuak, Fakturazio eta Ordainketa Zerbitzuak, Ordainketa Babesa, Baldintzen fitxan.

Aseguruaren Harpidedun gisa eta, beti ere, Asegurudunen hobe beharrez, IBERDROLAk Poliza Kolektiboaren baldintzak aldatzeko eskumena izango du, edo Entitate Aseguratzaileak aldatzeko, Asegurudunei behar bezala azalduta.

• ASEGURUAREN SUSTATZAILEA

  Aseguruaren polizaren sustatzailea IBERDROLA CLIENTES SAU izango da, A-95758389 IFK duena, helbide soziala Euskadi Enparantza 5, 48009 Bilbo (Bizkaia) eta helbide fiskala Tomás Redondo kalea, 1, 28033 Madrilen duena.

• POLIZAREN ONURADUNA

  IBERDROLA CLIENTES SAU estaldura guztietarako onuraduna izango da eta izaera ezeztagarria izango du.

  Elektrizitate-horniduraren eta/edo gas naturalaren horniduraren Kontratuan kreditu bat sortzeko bideratuko du kalte-ordainaren zenbatekoa IBERDROLAk. Aseguruduna izango da hornidura horren titularra, eta aseguruak hari eragingo dio. Heriotza-estalduretan, Asegurudunaren familia-kiderik etxean biziko ez balitz, onura hori jaso lezakete, baina legezko oinordeko batek eta aipatu hornikuntzaren edo IBERDROLAren beste horniduraren baten gainean jasoko dute onura hori.

• PRIMA ETA BERE ORDAINKETA

  Hartzaileak/Asegurudunak bere gain hartzen du prima ordaintzeko ardura. Kontratuaren Baldintza Partikularretan zehaztuko da zenbatekoa. Bere prezioa urtero eguneratuko da kontratu hau indarrean den urte bakoitzeko urtarrilaren 1eko Kontsumoko Prezioen Indizeari (aurrerantzean KPI) dagokion aldakuntzaren arabera, aseguratutako kapitalen balio handitzeak barne. KPI hazkundea aplikatu baino lehenagoko azarotik azarorako epealdian pilatutako KPI orokorraren balio errealaren arabera kalkulatuko da.

  Hilabeteko, bihileko edo hiruhileko primaren ordainketa edo ordainketa indibidualaren bidez zehazten da asegurua, Asegurudun bakoitzarentzat eta dagokion tarifaren arabera. Prima elektrizitatearen edota gasaren fakturaren barruan ordainduko da.

• KONTRATUAREN IRAUPENA

  Poliza honek emandako estaldurak, Aseguruduna Atxikitzeko Baldintzekin bat badator, asegurua atxikita daraman IBERDROLArekin hitzartutako elektrizitate edota gas naturalaren hornidura benetan ematen den egun berean indarrean sartuko dira, kontratua elektrizitate edota gas naturalaren hornidura baino beranduago kontratatzen bada salbu; kasu horretan Aseguru hau kontratatzen den unean sartuko dira indarrean.

  Poliza kolektiboa indarrean dagoen bitartean egongo da indarrean (poliza kolektiboa ezereztu bada, Asegurudunak ordaindutako azken primari dagokion estaldura-epea amaitzen den egun berean ezereztuko da banako Asegurudun bakoitzaren estaldura), prima ordainduta badago, beste edozein estaldurarako (heriotza edo ezintasun iraunkor eta absolutua) kalte-ordainik ordaindu ez bada, hornidura-kontratua ezereztu ez bada, eta Aldi Baterako Ezintasunaren estaldurarako, Asegurudunak poliza bakoitzerako ezarritako adinaren gehieneko muga gainditu ez badu. Egoki irizten dionean, bere atxikimendua baliogabetzeko baimena du Asegurudunak. Horretarako, Asegurudunak ohar bat idatziz bidaliko du, gutxienez, 30 egun lehenago.

• KONTRATUA EBAZTEKO BALDINTZAK

  Poliza Kolektiborako atxikimendua ebatzita geratuko da:

  • Ezarritako epeetatik kanpo Prima ez ordaintzea (Aseguru-kontratuari buruzko Legearen 15. art.)

  • Aseguratuaren deklarazioko susmoagatik edo zehaztasun ezagatik (Aseguru-kontratuen Legeko 12. art.; 89. eta 90. art.).

  • Asegurudunaren borondatez ebaztea, IBERDROLAri edo Erakunde Aseguratzaileei gutxienez 30 eguneko aurreabisuaz jakinarazita.

  • Erakunde Aseguratzaileen borondatez ebaztea, Asegurudunari gutxienez 60 eguneko aurreabisuaz jakinarazita.

  
  

• EZBEHARRAK JAKINARAZTEA

  Heriotzaren, Ezintasun Absolutu eta Iraunkorraren, Aldi baterako Ezintasunaren, Langabezia edo Ospitaleratze-kasuetan, METLIFEekin harremanetan jarri beharko du ahal bezain laster, mezu elektroniko bidez (siniestros-sp@metlife.es), 09:00etatik 21:00etara, +34 900 201 040 doako telefono-zenbakira deituta, edo fax bidez (+34 91 725 32 93).

• EZBEHARREN KASUAN AURKEZTU BEHARREKO DOKUMENTAZIOA

  Ezbeharra tramitatzeko, onuradunak edo legezko oinordekoek METLIFEri ezbeharraren aitorpen-galdetegia aurkeztu beharko diote, dokumentazio honekin lagunduta, egoki den estalduraren arabera:

  1. Heriotza

     • Heriotzaren Ziurtagiri Literalaren originala.

  2. Ezintasun Absolutua eta Iraunkorra

     • Ezintasun iraunkorra maila absolutuan aitortzen duen Gizarte Segurantzaren Proposamenaren eta Ebazpenaren originala.

  3. Langabezia

     • Lan-kontratua

     • Kaleratze-gutuna

     • Langabezia-eskaera, lan-eskatzaile gisa agertuz, edo langabezia-prestazioa kobratzearen frogagiria.

  4. Aldi baterako ezintasuna

     • Hasierako baja-agiria

     • Bajaren berrespen-agiriak

     • Alta-agiria

     • Aldi baterako ezintasuna eragin duen gaitzaren hasierako data (diagnostikoa) jasotzen duen medikuaren txostena.

     • Ezbeharraren eguneko lan-bizitzaren ziurtagiria.

  5. Ospitaleratzea

     • Ospitaleko altaren medikuaren txostena, diagnostikoa, jasotako tratamendua eta ospitaleratze- eta alta-datak adieraziz (ospitalera sartu eta bertatik ateratzeko orduak ere jasota)

     • Ezbeharraren eguneko lan-bizitzaren ziurtagiria.

     • Istripuaren kasuan, lehen sorospenaren txostena edota diligentzia judizialak osorik.

  
  

• ZERGA-ERREGIMENA

  Seguru honetako edozein estalduratik eratorritako kalte-ordainek une bakoitzean indarrean dagoen araudiaren arabera ordainduko dituzte zergak.

• MONETA

  Ordainketaren unean Espainian indarrean den monetan kalkulatuko dira moneta-zenbateko guztiak eta ordainduko dira sari eta prestazioak.

• ORDAINKETAK BABESTEKO PLUS ASEGURUAREN 40.128 POLIZAREN BALDINTZA BEREZIEN LABURPENA

  Atxikitzeko baldintzak:

  Honako Estaldura hauen babesean aseguragarriak dira, betekizun hauekin bat datozen pertsona fisikoak:

  1. IBERDROLAk emandako elektrizitate-hornikuntzarako eta/edo gas naturaleko hornikuntzarako kontratuaren titular gisa agertzea.
  2. 18 urte baino gehiago eta 76 urte baino gutxiago izatea. 67 eta 75 urte arteko asegurudunak atxikitzeko modua izango da, gaixotasunengatiko Heriotza, istripuarengatiko Heriotza eta edozein arrazoirengatiko Ospitaleratze-estalduretarako.
  3. Ezinduta ez egotea eta ezintasun-espedientea tramitatzen ez egotea, eskumena duten erakunde ofizialen artean.
  4. Espainiako biztanlea izatea.
  
  

  METLIFE EUROPEk (heriotza, ezintasun absolutua eta iraunkorra, aldi baterako ezintasuna eta ospitaleratzea) eta METLIFE EUROPE INSURANCEk (langabezia) emandako estaldurak.

  1. Gaixotasunak eragindako Heriotza edo Istripuak eragindako heriotza: Polizaren Baldintza Partikularretan adierazitakoa izango da kalteordain bakarraren zenbatekoa. Gaixotasunengatiko Heriotza-estaldurak aseguratuta egongo dira 85 urte arteko asegurudunak. Istripuarengatiko Heriotza-estaldurak aseguratuta egongo dira 99 urte arteko asegurudunak.
  2. B. Ezintasun Absolutua eta Iraunkorra: Aseguru honen helbururako, Ezintasun Absolututzat edo Iraunkortzat jotzen da Istripu baten edo gaixotasunaren ondoriozko egoera fisiko itzulezina. Asegurudunaren borondatea aparte utzita sortutakoa izango da eta erabakigarria izango da haren erabateko ezgaitasuna sortzeko edozein profesio, lan, okupazio edo ordaindutako jarduera egiteko. Polizaren Baldintza Partikularretan adierazitakoa izango da kalte-ordain bakarraren zenbatekoa. Estaldura honek aseguratuta egongo dira 18 eta 67 urte arteko asegurudunak.

  3. Langabezia: Ezbehar bat erreklamatzeko, asegurudunak honako baldintza hauek bete beharko ditu:

     • Baja hartu duen enpresan iraupen mugagabeko kontratuaz lanean aritu izana.

     • Kanporatze bidegabea edo langile-murrizketa dela medio langabezian egotea (jokabide desegokia dela medio ez izatea).

     • c. SEPEan izena emana egotea, erabateko langabezia-egoeran eta lan berria modu aktiboan bilatzen.

       
       

       Kalte-ordainketak kuota finkoa ordaintzea ekarriko du, 30 eguneko langabealdi frogatura helduta. Langabezia-egoera horrek 210 egun jarraitu baino luzeago jotzen badu, zenbateko berdina ordainduko da kalte-ordain gisa. Bi kalte-ordainketa egingo dira gehienez ere. Behin lanera itzulita, bi kalte-ordainak guztiz agortu ez badira, 6 hilabeteko enplegu jarraituan egon beharko da gutxienez, ezbehar berri bat tramitatu ahal izateko. Polizaren Baldintza Partikularretan ezarritakoa izango da kalte-ordain bakarraren zenbatekoa. 30 eguneko gabealdia ezartzen da, aseguruari atxiki zaion egunetik aurrera. Estaldura honek aseguratuta egongo dira 18 eta 67 urte arteko asegurudunak.

  4. Aldi baterako ezintasuna: aldi baterako ezintasuntzat jotzen da istripu baten edo gaixotasunaren ondoriozko egoera fisiko itzulezina, asegurudunaren borondatea aparte utzita sortutakoa eta erabakigarria dena haren erabateko ezgaitasuna sortzeko edozein profesio, lan, okupazio edo ordaindutako jarduera egiteko. Ezintasun egoera horrek asegurudunak 67 urte bete baino lehenago hasi behar du. Kalte-ordainketak kuota finko bat ordaintzea ekarriko du, 30 egun jarraituko ezintasun aldi frogatura helduta. Ezintasun egoera horrek 210 egun jarraitu baino luzeago jotzen badu, zenbateko berdineko kopurua ordainduko da kalte-ordain gisa. Bi kalte-ordainketa egingo dira gehienez ere. Polizaren Baldintza Partikularretan ezarritakoa izango da kalte-ordain bakarraren zenbatekoa. Estaldura honek aseguratuta egongo dira 18 eta 67 urte arteko asegurudunak.
  5. Edozein arrazoiengatik eratorritako ospitaleratzea: kalte-ordainaren zenbatekoa Polizaren Baldintza Partikularretan ezarritakoa izango da eta ordainketa bakarra barne hartuko du, behin istripu edo gaixotasun baten ondorioz 3 egun jarraian ospitaleratuta egonez gero. Estaldura honek aseguratuta egongo dira 18 eta 99 urte arteko asegurudunak.

Asegurudunak ez du, inola ere, bi estaldurengatiko kalte-ordainak aldi berean jasotzeko eskubiderik izango. Langabezia-estaldura jasoko dute ezbeharraren datan C atalean (Langabezia) ezarritako baldintzekin bat datozen pertsonek. Aldiz, Aldi Baterako Ezintasun estaldura jasoko dute lanean modu aktiboan ari direnek, eta, ezbeharraren egunean, langabezia-estaldurarako aukeragarritasun-baldintzak betetzen ez dituztenak. Halaber, edozein arrazoirengatiko ospitaleratze-estaldura jasoko dute ezbeharraren egunean modu aktiboan lanean ari diren pertsonak.

Kalte-ordainak kobratzeko eskubideari berriro ekiteko, gehieneko kalte-ordain gisa ezarritako bi ordainketak gaindituta:

• Langabeziaren kasuan, asegurudunak 12 hilabetez jarraian eraman beharko ditu lanean, iraupen mugagabeko lan-kontratuarekin.
• Aldi baterako Ezintasunaren kasuan, asegurudunak 12 hilabetez jarraian lanean egon beharko du eta Langabezia-estaldurak aseguratuta egoteko baldintzarik ez bete.
• Edozein arrazoiengatik eratorritako ospitaleratzearen kasuan: 6 hileko tartea igaro beharko da, gutxienez, aurreko ezbeharretik, berriro ere kalte-ordain baterako aukera izateko.

Gaixotasun edo instripuengatiko Heriotzari eta Ezintasun Absolutua eta Iraunkorrari dagokion kalte-ordaina ordainketa bakarrean ordainduko da.

Ezbeharraren data gisa ulertuko da:

• Gaixotasun edo istripuen ondorioz gertatutako heriotza-estaldurarako: asegurudunaren heriotza-eguna.
• Ezintasun Absolutuaren eta Iraunkorraren estaldurarako: eskumena duen Erakunde Ofizialak Erabateko Ezintasun Absolutu eta Iraunkorreko egoeran egoteagatik Asegurudunari aitortutako efektu ekonomikoen data.
• Aldi Baterako Ezintasunaren estaldurarako: asegurudunaren lehen ezintasun-eguna.
• Langabeziaren estaldurarako: enpresariak Asegurudunari bere lan-kontratuaren ebazpenaren berri ematen dion eguna.
• Edozein arrazoirengatik gertatutako ospitaleratze-estaldurarako: lehen ospitaleratze-eguna.

Zenbat hornikuntza-kontratu aseguratuta dauden kontuan hartu gabe, Asegurudun bakoitzeko kalte-ordainaren gehieneko muga bat zehazten da: kontratu bakoitzeko zehaztutako gehieneko zenbatekoa bider hamar.

Salbuespenak:

• Gaixotasunak eragindako heriotza: bere buruaz beste egiten duen kasuan ez da Asegurudunaren heriotza estaliko asegurudunaren taldean sartu ondorengo indarraldiaren lehen urtean. Xede horietarako, suizidiotzat jotzen da Asegurudunak jakitun eta bere borondatez eragindako heriotza.
• Istripuz eragindako heriotza: gaixotasunak eragindako Heriotzaren estaldurarako jasotako salbuespenez gain, Aseguruen Konpentsazio Partzuergoak estaltzen dituen arriskuak ere bazter geratzen dira.
• Ezintasun Absolutua eta Iraunkorra: gaixotasunak eragindako Heriotzaren eta istripuz eragindako Heriotzaren estaldurarako jasotako salbuespenak.
• Langabezia: kanporatze bidegabea, edo langile-murrizketa, asegurua eskatutakoan abian baldin bazegoen, edo estalduraren gabealdian haren berri ematen bada. Termino finkoko kontratu baten ebazpena edo amaiera naturala, edo bitarteko kontratu batena. Aldez aurreko erretiroa, baita SEPEren prestazioa jasotzen bada ere. Kanporatzea edo langile-murrizketa enpresaria bezero asegurudunaren gertuko ahaidea bada. Noizbehinkako, parte baterako edo aldi baterako enplegu baten osteko langabezia.
• Aldi baterako ezintasuna: Gaixotasunak eragindako Heriotzaren, Istripuz eragindako heriotzaren eta Ezintasun Absolutu eta Iraunkorraren estalduretarako jasotako salbuespenez gain, bazter geratzen dira Asegurudunak alkoholaren eraginez pairatutako istripu edo gaixotasunak, odolean trafikoaren eta motordun ibilgailuen zirkulazioaren arloan legez baimendutakoa baino tasa handiagoa antzematen bada edo mediku batek agindu edo eman ez dion drogaren baten eraginez edo Asegurudunaren zuhurtziagabetasun edo axolagabekeria larriek eragindakoak, Haurdunaldiaren ondoriozko bigarren mailako konplikazioak, mota guztietako erditzeak, haurdunaldia etetea eta horren guztiaren ondorioak, baita amatasun- eta aitatasun-atsedenerako baimenak ere.
• Edozein arrazoirengatik eratorritako ospitaleratzea: Aseguru honetan alta eman baino lehenago gertatutako istripuak edo hartutako edo hasitako gaixotasunak, primen ordainketekin egunean egon ala ez. Medikuntza- edo kirurgia-arrazoiengatik beharrezkoa ez den ospitaleratzea. Bizkarreko minak (ebidentzia medikoaren edo kalte patologikoaren kasuan salbu). Asegurudunak alkoholaren eraginez pairatutako edozein istripu, trafikoari eta motordun ibilgailuen zirkulazioari dagokionez legez ezarritakoa baino odoleko alkohol-tasa handiagoa antzematen bada, edo mediku batek agindu edo eman gabeko drogaren baten efektuarengatik pairaturikoak.