Aurrezteko aholkuak
Sakatu aukera bakoitzean gehiago jakiteko
Aire girotuak etxeko guztizko kontsumoaren % 10era arte hartzen du
Zure fakturan ez sumatzeko trikimailu batzuk ikasi nahi dituzu?
Berokuntza-sistema
Zure galdara mantentze-egoera onean baduzu, gutxiago ordainduko duzu Eduki galdara egoera onean eta gas-kontsumoaren % 22ra arte aurreztuko duzu. 
Ez berotu hutsik dauden lekuak Ez berotu erabiltzen ez diren gelak eta, luzaroan etxetik kanpo egon behar baduzu, deskonektatu berokuntza-sistema. 
Erabili pertsianak argia aprobetxatzeko eta beroari eusteko Egunez, igo pertsianak. Eguzkiak argia eta beroa emango dizu. Iluntzean, itxi gortinak eta jaitsi pertsianak, bero gutxiago galtzeko. Gela bat ondo aireztatzeko nahikoa dira 10 minutu. 
Gela bakoitzean tenperatura bat Gure etxeko gune bakoitzak tenperatura jakin bat behar du, eta garrantzitsua da hori ondo egokitzea. Ura
Aukeratu txorrota eraginkorrenak Instalatu kontsumo txikiko dutxa-buruak, aginte bakarreko txorrotak eta emari-erreduktoreak, ur-kontsumoaren % 50era arte aurrezteko. 
Itxi txorrota hortzak garbitzen dituzun bitartean Ez utzi txorrota irekita bizarra mozten edo hortzak garbitzen dituzun bitartean. 10 litro ur arte aurrez ditzakezu. 
Ez xahutu tanta bakar bat ere Saihestu txorrotetako tanta-jarioak eta ihesak. Konketako txorrotak tanta-jarioa edukitzeak hilean 100 litro ur alferrik galtzea ekar dezake. 
Ez galdu urik alferrik, zurrusta-haustekoak instalatuta Zurrusta-hausteko edo aireztagailu izeneko aparatu batzuk daude txorrotetan jartzeko. Aparatu horiek presiozko airea sartzen dute txorrotatik ateratzen den ur-emarian; hala, ur-bolumena % 50 baino gehiago murrizten dute, baina guk ez dugu nabaritzen. 
Ez galdu ura alferrik eta gutxiago ordainduko duzu Dutxatu bainatu beharrean, eta iturria behar denean bakarrik ireki. Dutxan erabiltzen den ur eta energia kopurua bainatzean erabiltzen denaren laurdena da. Argiztapena
Garbi eduki argiztapen-elementuak Garbitu lanparak eta tulipak; argi gehiago edukiko duzu, potentzia handitu gabe. LED lanparek ohiko goritasun-lanparek baino 5 aldiz gutxiago kontsumitzen dute, eta 8 aldiz gehiago irauten dute. 
Aprobetxatu eguzki-argia Ahal dela, aprobetxatu argi naturala. Argia behar duzunean bakarrik piztu. 
Itzali argiak ez zaudenean Ez utzi argirik piztuta inor ez dagoen geletan. Energia alferrik galtzen ari zara. 
Kolore argiak eraginkorragoak dira Erabili kolore argiak horma eta sabaietan, argi naturala hobeto aprobetxatzeko eta argi artifizial gutxiago erabiltzeko. 
Aurreztu LED bonbillekin Zure beharren arabera eta, esaterako, bonbilla bat erre dela aprobetxatuz, kendu ohiko bonbillak eta jarri kontsumo txikiko edo LED bonbillak. Etxetresna elektrikoak
Zenbat eta karga handiagoa, orduan eta gastu gutxiago Saiatu garbigailua erabat beteta erabiltzen eta, arropa oso zikin ez badago, erabili tenperatura baxuko programak (hotzean edo 30 °C-ra). 
Eguraldi ona egiten badu, zabaldu arropa Lehorgailuak energia asko kontsumitzen du erabiltzen den bakoitzean (garbigailuaren bikoitza). Ahal baduzu arropa zabaldu, batez ere udan; ordu gutxitan lehortuko da. 
Erosotasuna eta eraginkortasuna ontzi-garbigailuari esker Ontziak eskuz eta ur beroarekin garbituz gero, ontzi-garbigailuarekin baino % 40 energia gehiago kontsumituko duzu. 
Eutsi hotzari! Hozkailuko eta izozkailuko ateak ahalik eta denbora gutxiena eduki irekita, eta egiaztatu ondo ixten direla. Saiatu hozkailuaren atzeko horma garbi eta aireztatuta edukitzen. 
Kontsumo partekatua, kontsumo murriztua Erosi konexio-bloke bat (aparatu bat baino gehiago entxufatzeko luzagarri bat), pizteko eta itzaltzeko botoiarekin. Hala, klik bakar batekin itzal ditzakezu hainbat aparatu, eta ez duzu behar ez duzun argindarrik kontsumituko. Sukaldea
Mikrouhin-labean kozinatzen baduzu, gutxiago kontsumituko duzu Mikrouhin-labeak ohiko labeek baino % 60 - % 70 gutxiago kontsumitzen dute. 
Modu eraginkorrean kozinatu Erabili egosketa-eremuarekin bat datozen oinarriak dituzten ontziak eta saiatu presio-eltzearekin eta ur gutxirekin kozinatzen. 
Utzi janaria hozkailutik kanpo hozten Ez sartu inoiz janari berorik hozkailuan edo izozkailuan. Utzi kanpoan hozten eta energia aurreztuko duzu. 
Desizoztu elikagaiak hozkailuan Elikagaiak hozkailuaren barruan desizoztuz gero, izozteko erabil dugun energia aprobetxatuko dugu. 
Atera ahalik eta etekinik handiena labeari Erabili labearen tenporizadorea eta ez ireki beharrezkoa ez bada. Labearen atea irekitzen duzun bakoitzean, barruko energiaren % 20 galtzen da. Lagundu mundu berdeagoa sortzen eta,
aldi berean, gutxiago ordainduko duzu fakturan.
Erabili garraio publikoa (metroa, autobusa, tranbia, trena...) 
Bira gutxira gidatu eta itzali autoa 2 minutu baino gehiago geldirik igaro behar badituzu. 
Trena erabili (bidaiari eta kilometro bakoitzeko emisio gutxien eragiten dituen garraiobidea da). 
Bizikleta erabili joan-etorri laburretarako; ez du substantzia kutsatzailerik igortzen eta osasungarria da. 
Auto elektrikoa erabili; ez du CO2-rik igortzen joan-etorrietan, eta kutsadura akustikoa ere murrizten du. Ikusi nola aurreztu duten gure bezeroek
Carlos
Denda bateko saltzailea
